Congrès 2016 - Kongreso 2016

Lastaj informoj

thierry s — 2016-05-03T21:13:24Z

Vi trovos la detalan programon kaj multajn utilajn infomojn en nia kongresa retejo : kongreso2016.esperanto-france.org

La kongresejo situas je 31 boulevard d'Athènes, tuj piede de la ŝtuparoj de la stacidomo Marseille Saint-Charles. Detaloj por atingi ĝin estas ĉi tie.

La akceptejo malfermiĝos ĵaŭdon la 5an de Majo, ekde la 8a30. En la kongressako vi trovos la kongreslibreton kun la detala programo kaj diversajn informilojn pri Marsejlo.

Ĉe la akceptejo vi povos :
. Pagi la kongreskotizon se vi ne jam pagis ĝin,
. Elekti viajn ekskursojn,
. Aliĝi por la bankedo se vi ne jam faris ĝin,
. Elekti viajn pladojn por la bankedo,
. Decidi kiam vi pretas deĵori en la kafejo aŭ en la libroservo.

Se vi bezonas kromajn detalojn, ne hezitu demandi nin per retmesaĝo al kongreso2016@esperanto-france.org aŭ telefone al 06 09 18 28 51.

Thierry Spanjaard, prezidanto de la LKK

Prelego pri lernado de lingvoj, de Monique Arnaud

bruno f — 2016-04-03T09:21:12Z

Prelego « Por bona lernado de lingvoj, de Monique ARNAUD

Kiuj estas niaj bremsoj en lernado de fremda lingvo ?
Kiel solvi tiujn malfacilaĵojn :
Lerni kun la metodo E.S.P.O.I.R !
Kelkaj konkretaj vojoj sekvindaj por iĝi bona parolanto.
Prezento de la praktika gvidlibro de Greta Franclet : Nululo pri lingvoj ? Neniam plu !

Noto : la libro estos aĉetebla surloke kontraŭ 25 Eŭroj.

La prelego okazos ĵaŭde la 5an de majo inter la 18a kaj la 20a horoj en Equitable Café, 54 cours Julien, 13006 Marseille, fronte al la kongresejo Por iri tien, klaku ĉi-tie.

Monique ARNAUD

Monique Arnaud malkovris Esperanton en 1978 okaze de internacia renkontiĝo pri Freinet pedagogio. Poste, ŝi iĝis delegito de ILEI (Internacia Ligo de Esperantistaj Instruistoj) ĉe UNESCO.
Monique Arnaud instruis la francan lingvon en Anglio, Scotlando kaj Usono. Ŝi instruis la anglan lingvon dum 35 jaroj en 3 diversaj regionoj.
Ŝi instruis Esperanton okaze de staĝoj en Francio, en la Somerakursaro de la Sidneja Universitato Aŭstralio kaj en Mazara del Vallo (Sicilio) en Meza Lernejo kaj en Baza Lernejo. Ŝi partoprenis en diversaj Grundtvig projektoj (nuntempe Erasmus +).

Prelego pri Nestor Makhno, de Jean-Marc Leclerq (JoMo)

bruno f — 2016-04-03T09:10:34Z

Prelego pri Nestor Makhno de Jean-Marc LECLERCQ

Nestor Ivanoviĉ Maĥno (naskiĝis la 27-an de oktobro 1889, mortis la 25-an de julio 1934) estis ukraina anarkiista revoluciulo kiu malakceptis unuiĝi kun la bolŝevikoj post la Oktobra Revolucio.

En siaj 16 jaroj li partoprenis la revolucion de 1905 kaj post kontaktiĝi kun diversaj politikaj grupoj li organiziĝis en la liberecana movado per realigo de danĝeraj komisioj. En 1908 li estis arestita de la caraj aŭtoritatuloj kaj kondamnita je pendumilo pro anarkiisma asociado kaj partopreno en terorisma agado. Pro lia junaĝo la kondamno estis ŝanĝita al dumviva mallibero. Li estis translokigita al la centra malliberejo de Moskvo, tie li profitis ties grandan bibliotekon kaj amikiĝis kun Arĉinof, ankaŭ kondamnita je punlaboro. Arĉinof, multe pli klera ol Maĥno, helpis al li instruiĝi profunde en diversaj fakoj. Li ricevis malfacilajn vivkondiĉojn pro sia ribelemo kaj protestorganizado ; tiel li grave malsaniĝis pri la pulmoj. Li estis liberigita en 1917, kun ĉiuj politikaj malliberuloj, pro la proleta insurekcio en Moskvo.

La prelego okazos ĵaŭde la 5an de majo je la 16a en CIRA, 50 rue Consolat, 13001 Marseille. Por iri tien, klaku ĉi-tie.

Jean-Marc LECLERCQ

JoMo (t. e. Jean-Marc LECLERCQ, naskiĝinta la 10-an de oktobro 1961) estas franca kantisto kaj esperantisto. Li komencis muziki en la jaro 1977 kaj ekesperantiĝis en 1988.

Li venas de Lille, sed nun loĝas en Tuluzo. Li iam estis kantisto de la grupo Les Rosemary's Babies (La Rozmariaj Beboj) kiu eldonis du KDojn ĉe la franca diskeldonisto Boucherie et Willins Production kaj kies urĝa enscenigo leviĝis al ekstreme varmaj koncertoj tra tuta Eŭropo, el kiuj pli ol ducent estas nur en la franca.

Li montras rimarkeblan progreson al lingvodiverseco pere de muziko. Li havas tradician kaj rokan kantrepertuaron en 22 lingvoj, interalie Esperanto. Per tio li eniris en la Guiness-libro pri rekordoj.

Iom pli troviĝas en la artikolo pri JoMo kaj Liberecanoj ; foje li ludas kun grupeto kiel "JoMo kaj la mamutoj". Ĝenerale li adaptas nomojn kaj grupgrandecojn al la okazo, ludante en diversaj medioj (naciaj, aĝgrupoj).

Li surpiedigis sian propran tiaman grupon, La Rozmariaj Beboj, kiu ekfamiĝis komence de la 1990-aj jaroj en la franca alternativa rok-medio. La bando turneis en diversaj landoj (el kiuj Ĉinio), produkis du albumojn, kaj eĉ koncertis sur la prestiĝa pariza scenejo Olympia. Post disiĝo de la Beboj, JoMo kreis novan grupon, Liberecanoj, kun kiu li surbendigis ĉe Vinilkosmo kaj kreis unuan rekordon de multlingva koncerto (22 kantoj en 22 lingvoj), kiu aperis en 2000 en la libro Guinness. Poste kaj sole, li surbendigis tutan esperantan albumon titolitan JoMo friponas !, kiu aperis fine de 2001. Sekva disko, jOmO slavumas, aperis printempe de 2006 kun multaj muzikistoj slavstilaj. Li daŭre koncertas esperante kaj multlingve, sola kun gitaro, kantante ĝojajn kaj dancigajn kantojn.

Marsejlo ĉefurbo de la sapo !

bruno f — 2016-04-03T08:56:08Z

Kio estas sapo ?

Komponaĵo, rezulto de la kemia reakcio sapiĝo, kiun oni uzas por lavi sin, tolaĵojn, ktp. La vorto "sapo" renkontiĝas kiel unue en teksto de Plinio la pli maljuna, romia sciencisto. Jam temas pri produktaĵo farita el sebo kaj cindroj, sed ĝi estis uzita de la gaŭloj por kolorigi siajn harojn al rufo. Longtempe la homoj lavis sin sen uzo de sapo, ekzemple pere de varmega vaporo, kaj la tolaĵojn oni batadis en flua akvo por forigi la malpuraĵojn. La unua vera sapo estis elfarita en mezopotamio, kaj la epoko de Krucmilito konatigis ĝin al la eŭropanoj.

Nuntempe en la urbo Alepo en Sirio oni plu elfaras sapon el olivoleo kaj natrio (ricevita el cindroj de salikorno), kun aldono oleon el laŭr-bero, kiun oni povas rigardi kiel la plej praava de la nun ekzistantaj sapoj. En hodiaŭa epoko tiu 100% natura sapo, ekĝuas bonfamon ĉe naturama publiko.
Ankaŭ la krucmilitistoj hejmenportis ĝin, kiam ili hejmeniris post la militado en la Sankta Lando.

Poste la elfarado de sapo disvastiĝis al aliaj havenoj de la Mediteranea Maro, tiel kiel Alikanto, Ankono, kaj la plej konata tiurilate : Marsejlo. Diversaj receptoj ekzistas : el vegetala aŭ animala graso, kun natrio aŭ kalio, ktp.

Spekti filmetojn :
http://savondemarseille-lewebdoc.com/accueil.html

Ekspozicio "Vojaĝo en urba ĝardeno"

bruno f — 2016-03-13T16:53:38Z

Bernard Briançon / Bernar Brijanson estas artisto, kies arto, diversforma, baziĝas sur divido, interŝanĝo kaj aŭskultado. Gluaĵoj, pentraĵoj, tekstoj, fotoj aŭ kunmetaĵoj de objektoj igas la komponaĵojn poeziaj kaj ludaj universetoj. Devojigo, reuzocelo aŭ reciklado estas por li iloj por esprimi pensojn pri la nuna stato aŭ antaŭeniro de la mondo.

Lia malfermiĝo al la mondo kaj la aliaj klarigas lian amon al Esperanto, kiun li praktikas ene de la klubo Esperanto-Le Beausset.

Instruanto en la publikaj atelieroj de RSADMMM (Alternejo pri Artoj kaj dezajno Marseille-Méditerranée), Bernard Briançon proponas al siaj lernantoj iniciadon al la plej nunaj artaj praktikoj, tamen ne neglektante la tradiciajn teknikojn de desegnado kaj pentrado.

Vizito de la kongresejo

Matthieu Lopez — 2016-02-27T13:18:20Z

La ateliero Canopé proponas salonojn kaj spacojn adaptitaj por la kongreso.
Vizito de parto de la organiza komitato la 4an de marto ebligis la pripensadon de la uzo de la diversaj salonoj por ĉiu bezono.

La Ateliero Canopé ideale troviĝas piede de la fama ŝtuparo de la ĉefa stacidomo de Marsejlo, nomita St Charles. La kvartalo enhavas multajn ne kostajn hotelojn kaj pluraj taŭgaj restoracioj apude.

La trinkejo

Ĉefe 3 salonoj estos uzataj dum la kongreso, krom ejo por la libroservo de la kongreso kaj trinkejo por retroviĝi en agrabla etoso inter la ekspozicioj.

Salono Cézanne (por scii pli pri Paul Cézanne, klaku ĉi-tie)

Salono Gassendi (por scii pli pri Pierre Gassendi, klaku ĉi-tie)

Ankaŭ estos uzata salono Milhaud (por scii pli pri Darius Milhaud, klaku ĉi-tie)